Olmaliqda talabalar o‘zlari yaratgan ixcham elektromobili bilan ijtimoiy tarmoqlarda qiziqish uyg‘otdi

Olmaliq shahrida davlat texnika instituti talabalari oʻzlari yaratgan ixcham elektromobilni namoyish qildi.

Maʼlum qilinishicha, ushbu transport vositasi bir kishi uchun moʻljallangan boʻlib, qisqa masofalarda harakatlanish uchun qulay hisoblanadi.

Uning kichik oʻlchamlari shahar ichida tez va oson harakatlanish imkonini beradi.

Ishlanmani institut oʻqituvchisi sinovdan oʻtkazgan.

Uning taʼkidlashicha, avtomobilni boshqarish jarayoni ijobiy taassurot qoldirgan.

Mazkur loyiha ijtimoiy tarmoqlarda keng muhokamaga sabab boʻldi.

Foydalanuvchilar talabalar tashabbusini qoʻllab-quvvatlab, bunday innovatsion gʻoyalar kelajakda yanada rivojlanishi mumkinligini taʼkidlamoqda.

Nigina Zarqarayeva

«ZAMIN.UZ» muharriri

+ Zamin.uz saytini Google'ga qo'shing