Toshkent ko‘chalaridagi noodatiy transport vositasi ijtimoiy tarmoqlarda shov-shuv uyg‘otdi
Toshkent shahrida ikki nafar do‘st ikki samokat ustiga divan o‘rnatib yasagan noodatiy transport vositasida ko‘chalarda sayr qilgani ijtimoiy tarmoqlarda keng muhokamalarga sabab bo‘ldi. Internet foydalanuvchilari mazkur g‘oyani hazilomuz tarzda “eng qulay jamoat transporti” hamda “VIP o‘rinli transport” sifatida baholadilar. Shu bilan birga, videoning ommalashuvi ko‘pchilikda bunday qo‘lbola konstruksiyaning qonuniyligi haqida savollar tug‘dirdi.
Toshkentda ikki do‘st noodatiy transport vositasini yasab, shahar ko‘chalarida sayr qildi. Ular ikki samokat ustiga divan o‘rnatib, ushbu konstruksiyada harakatlangan.
Ijtimoiy tarmoqlarda tarqalgan videoda transport vositasi ko‘chalar bo‘ylab bemalol harakatlanayotgani aks etgan. Bu holat yo‘lovchilar va internet foydalanuvchilarining e’tiborini tortdi.
Ayrimlar ushbu g‘oyani hazilomuz tarzda “eng qulay jamoat transporti” deb atagan. Boshqalar esa uni “VIP o‘rinli transport” sifatida baholagan.
Shu bilan birga, videoning ommalashishi xavfsizlik masalalari bo‘yicha muhokamalarga ham sabab bo‘ldi. Ko‘pchilik bunday qo‘lbola transport vositasining yo‘llarda harakatlanishi qanchalik qonuniy ekaniga qiziqish bildirmoqda.
Mutaxassislar esa bunday konstruksiyalar yo‘l harakati ishtirokchilari uchun xavf tug‘dirishi mumkinligini ta’kidlashmoqda.
Izohlar 0
…