Yunusobodda elektromobil yonib ketdi

28 avgust kuni Toshkent shahrining Yunusobod tumanida elektromobilda yong‘in sodir bo‘ldi. Bu haqda Toshkent shahar Favqulodda vaziyatlar bosh boshqarmasi xabar bergan.

Ma’lum qilinishicha, soat 02:16 da Yunusobod tumani, G‘ayratiy ko‘chasi, 79-uy oldida elektromobil yonayotgani haqida FVVga xabar kelib tushgan.

Shundan so‘ng qutqaruv texnikasi voqea joyiga zudlik bilan yetib borgan. Yong‘in soat 02:24 da to‘liq bartaraf etilgan.

Hodisa oqibatida jabrlanganlar yo‘q. Yong‘inning kelib chiqish sabablari haqida qo‘shimcha ma’lumot berilmagan.