Isroilda o‘tkazilgan kimoshdi savdosida Albert Eynshteynning baxt retsepti 1,5 million dollarga sotildi. Baxtga yetishish siri mashhur fizik olim tomonidan 95 yil muqaddam Tokiodagi mehmonxonalardan birida xat tashuvchiga minnatdorlik ramzi sifatida hadya etilgan.
1922 yilda Yaponiyaga ma’ruza o‘qishga kelgan buyuk fizik (u yaqindagina Nobel mukofotiga sazovor bo‘lib, mashhurlikning ilk «meva»larini tatib ko‘rayotgan bir pallada) xat tashuvchiga berish uchun chaqa topolmay qoladi. Kurerni quruq qo‘l bilan qaytarib yuborishni o‘ziga ep ko‘rmagan olim hayotda asqotadigan bir juft maslahatni qog‘ozga nemis tilida yozadi-da, yigitchaga bu maslahatlarni saqlab qo‘yishni qattiq tayinlaydi.
«Kelajakda ularning bahosi oddiy choy-chaqadan ancha baland bo‘lishi mumkin», — deydi olim.
«Omad ketidan quvib, o‘zni behalovatlikda qoldirgandan ko‘ra, osuda va kamtarin hayot insonga ko‘proq baxt ulashadi», — deyiladi Eynshteynning mehmonxonaga tegishli blankda yozilgan maslahatida.
Ushbu lot uchun noma’lum xaridor 1,56 million dollar to‘ladi, deb xabardor qiladi Winners kimoshdi uyi xabariga asosan Sof nashri.
Buyuk fizik olimning ikkinchi maslahatida esa: «Gar iroda bo‘lsa, imkon ham topiladi» degan so‘zlar bitilgan. Ma’lumotlariga ko‘ra, ikkinchi xat auksionda 240 ming dollarga sotilgan. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Tomoshabinlar nafratiga uchragan, saratonni yenggan turk aktrisasi — Vahide Perchinning murakkab taqdiri
Frontdagi vaziyat: Rossiya harbiylari Kursk oblastida qarshi hujumga tayyorlanmoqda
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Ukraina QK bosh qo‘mondoni: “Frontdagi vaziyat murakkab va keskinlashishi mumkin”
Immunitetni ko‘tarish uchun 6 ta eng yaxshi vitamin
AQSH Isroilga puli to‘langan buldozerlarni bermadi
Tramp Putinga qo‘ng‘iroq qilib, Ukrainadagi urushni muhokama qildi
Rossiya Kursk viloyatidagi hududlarini qaytarib olishga 50 ming harbiy to‘pladi
