Navbat Farg‘onaga: valyutafurushlar ustidan reyd o‘tkazildi

Milliy xavfsizlik xizmatining Farg‘ona viloyati boshqarmasi xodimlari Bosh prokuratura huzuridagi hududiy boshqarma xodimlari bilan birgalikda valyutafurushlarni aniqlash bo‘yicha reyd o‘tkazdi.

Qo‘qon shahridagi “Mediapark” savdo majmuasida Jamshid Niyozov ismli shaxs 1 dollarga 8240 so‘mdagi kurs bo‘yicha 7400 dollarni 60,9 million so‘m evaziga sotayotgan vaqtida qo‘lga olindi. Tekshiruv vaqtida uning yonidan yana 600 dollar topilgan.

Shuningdek, reyd davomida marg‘ilonlik Ulug‘bek Mirfayozov ham 1 dollarni 8300 so‘mga teng kurs bo‘yicha 10 ming dollarni 83 million so‘m evaziga sotayotgan vaqtida qo‘lga olingan.

Ayni vaqtda valyutafurushlarga nisbatan O‘zbekiston Respublikasi Jinoyat kodeksining 177-moddasi, ya’ni noqonuniy ravishda valyuta qiymatiga ega bo‘lish yoki sotish aybi bilan jinoyat ishi qo‘zg‘atilgan. “Zamin”ni Telegramʻda oʻqing!