Foto: Adliya vazirligi
O‘zbekiston fermer, dehqon xo‘jaliklari va tomorqa yer egalari kengashi huzuridagi Fermer, dehqon xo‘jaliklari va tomorqa yer egalarini qo‘llab-quvvatlash jamg‘armasi faoliyatini tashkil etish to‘g‘risidagi hukumat qarori qabul qilindi. Bu haqda Adliya vazirligi ma’lum qildi.
Qarorga muvofiq fermer, dehqon xo‘jaliklari va tomorqa yer egalarini moliyaviy qo‘llab-quvvatlash jamg‘armaning asosiy vazifasi hisoblanadi.
Jamg‘arma mablag‘lari quyidagi manbalar hisobiga shakllantiriladi:
Jamoat ishlari jamg‘armasi va Bandlikka ko‘maklashish davlat jamg‘armasidan ajratiladigan tegishlicha 350 milliard so‘m hamda 150 milliard so‘m miqdoridagi bir martalik beg‘araz moliyaviy yordam;
Auksion savdolarida fuqarolarga yer uchastkalariga meros qilib qoldiriladigan umrbod egalik qilish huquqini sotishdan tushadigan tushumning 10 foizi;
Xalqaro moliya institutlari, xorijiy hukumat tashkilotlari va boshqa donorlarning kreditlari (qarzlari) va grantlari;
Mablag‘larni depozit hisob raqamlariga joylashtirishdan olinadigan daromadlar;
Qonun hujjatlarida taqiqlanmagan boshqa manbalar.
Jamg‘arma mablag‘lari quyidagi vazifalarni bajarishga yo‘naltiriladi:
Fermer, dehqon xo‘jaliklari va tomorqa yer egalariga 3 yil muddatga, shu jumladan 1 yilgacha imtiyozli davr bilan 2 foizlik bank marjasini hisobga olgan holda yillik 7 foiz stavkada kreditlar berish uchun AT «Mikrokreditbank», AT «Agrobank» hamda «Xalq banki»ga resurslar joylashtirishga;
Tijorat banklari orqali Markaziy bankining qayta moliyalashtirish stavkasi bo‘yicha 2 foiz bank marjasini hisobga olgan holda «Tomorqa xizmati» MChJ, qishloq xo‘jaligi sohasidagi boshqa ishlab chiqarish, qayta ishlash, tayyorlash, ta’minlash, savdo tashkilotlari hamda lizing kompaniyalariga moddiy-texnik bazani mustahkamlash, qishloq xo‘jaligi texnikasi va transport sotib olish, fermer, dehqon xo‘jaliklari va tomorqa yer egalarining issiqxonalarini qurish uchun materiallar va butlovchi qismlar xarid qilishga kreditlar berishga;
Aylanma mablag‘larga muhtoj bo‘lgan «Tomorqa xizmati» MChJlarning ustav fondini 25 foizdan kam bo‘lmagan miqdorda shakllantirishga;
Fermer, dehqon xo‘jaliklariga investitsiyalarni jalb qilish va tomorqa yerlarni rivojlantirishga hamda innovatsion loyihalarni amalga oshirish bilan bog‘liq boshqa yo‘nalishlarga.
“Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Germaniyada maktab o‘quvchilari ommaviy ravishda islom dinini qabul qilmoqda
Amerikalik olimlar barcha uchun birdek foydali jismoniy faollik turini aniqladi
Zoir Mirzayev “Telefonsiz maktab”ga 300 mln so‘m mukofot berdi
Rossiya dunyodagi birinchi vodorod yoqilg‘ili avtomobilni taqdim etdi
Mariya Zaxarova ukrainaliklarni Amerika hindulariga o‘xshatdi
AQSHning G‘azodagi siyosatidan norozi Davlat departamenti rasmiysi iste’foga chiqdi
Qaysi kundalik odatlar immunitet pasayishiga olib kelishini bilasizmi?