Bir jinoyat izidan ikkinchi jinoyat ochildi

21 sentyabr kuniga oʻtar kechasi nomaʼlum shaxs Surxondaryo viloyatining Muzrabot tumanida yashovchi B.J. ismli ayolning uyiga ochiq qolgan darvoza orqali kirib, hovlisidagi qoʻyxonasidan 2 bosh qoʻylarini oʻgʻirlab ketgan.

Koʻrilgan choralar natijasida ushbu jinoyatni B.J.ning birga yashovchi nabirasi muqaddam sudlangan Sh.J. sodir etganligi aniqlanib, ushlangan. U bilan olib borilgan tergov harakatlari natijasida shu yil 14 sentyabr kuni “Darband” MFY hududida joylashgan “Pardaqul Muhammad” fermer xoʻjaligining dala maydonida qarovsiz qoldirilgan shu mahallada yashovchi X.K.ga tegishli “Kama” rusumli velosipedini oʻgʻirlab ketganligi aniqlangan.

Holat yuzasidan jinoyat ishi qoʻzgʻatilib, tergov harakatlari olib borilmoqda deb xabar bermoqda Oʻzbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Manba: Hordiq.uz