2 561
Laziz Tangriyev: "Oqqo‘rg‘ondagi ariqqa tushgan olti nafar fermer haqida bironta ham gazeta yozmagan"
O‘zbekiston Matbuot va axborot agentligi direktori Laziz Tangriyev viloyat, tuman gazetalarida real ijtimoiy hayot aks etmayotganini aytdi.
“Misol uchun, Oqqo‘rg‘ondagi ariqqa tushgan olti nafar fermer haqida bironta ham gazeta yozmagan. Bu haqda deyarli barcha elektron nashrlar jar soldi. Gazetalar ulardan olib bosishi ham mumkin edi", – deydi u.
Ushbu fikrlar agentlikda OAV vakillari ishtirokida o‘tkazilgan bosma nashrlarning bugungi ahvoli haqidagi seminar-treningda aytilgan.
Laziz Tangriyevning ta’kidlashicha, majburiy mehnat muammosi ham bironta gazetada ko‘tarilmayapti.
“Gazetalarning moddiy ahvoli og‘ir, 15 yildan buyon maosh olmay ishlab yurganlar ham bor. Ko‘pgina gazetalarda 30 yil avvalgi eskicha ishlash tizimi hukm surmoqda. Ularning tashqi dizaynida ham o‘zgarishlar sezilmaydi. Vazirlar mahkamasining qarorlari bilan to‘ldiriladigan nashrlar ham talaygina. Ko‘pgina gazetalar hukumat qaror va farmonlarining farqiga bormaydi. Birgina tuman nomi bir maqolada olti xil ko‘rinishda yozilganining guvohi bo‘ldim”, – deydi Laziz Tangriyev.
Seminarda, shuningdek, viloyatlarning tuman gazetalari yildan-yilga o‘quvchilarini yo‘qotib borayotgani, moliyaviy ahvoli yaxshi emasligi, obuna masalasi doimgidek muammo ekanligi, odamlar gazetalardan uzoqlashayotgani, gazetalar esa odamlarning asl muammolaridan yiroqlashib ketgani to‘g‘risida so‘z bordi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Vladimir Putin «Krokus»da sodir etilgan terakt uchun o‘ch olishga chaqirdi
Rossiya dunyodagi birinchi vodorod yoqilg‘ili avtomobilni taqdim etdi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Amerikalik olimlar barcha uchun birdek foydali jismoniy faollik turini aniqladi
Mariya Zaxarova ukrainaliklarni Amerika hindulariga o‘xshatdi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi