Talabadan 600 ming so‘m olgan dekan o‘rinbosari qo‘lga tushdi

Toshkent davlat agrar universiteti dekani o‘rinbosari X.A. universitetning 2-bosqich talabasi A.dan uning yakuniy imtihonlarga kirishiga ruxsat berish evaziga 600 ming so‘m olayotgan vaqtida ashyoviy dalillar bilan ushlangan.

Bu O‘zbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti xodimlari tomonidan o‘tkazilgan tezkor tadbirda fosh etildi.

Bundan tashqari, X.A. muntazam ravishda dars soatlarini qoldirgan 11 nafar talabadan imtihonlarga kirishlariga ruxsat berishi evaziga olgan jami 4,6 million so‘m mablag‘ni ixtiyoriy ravishda taqdim qilgan.

Bosh prokuratura matbuot xizmati xabariga ko‘ra, mazkur holat yuzasidan X.A.ga nisbatan O‘zbekiston Respublikasi Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari o‘tkazilmoqda. “Zamin”ni Telegramʻda oʻqing!