Kuni kecha ijtimoiy tarmoqlarda ikki o‘smir vahshiylarcha kaltaklangani tasvirlangan video tarqalgan edi. Shundan so‘ng IIV axborot xizmati ushbu jinoyatni amalga oshirgan shaxslar fuqarolar yordamida topishda yordam so‘radi.
«Hurmatli yurtdoshlar, ijtimoiy tarmoqlarda bir guruh shaxslar tomonidan ikki nafar o‘smirni uyatli so‘zlar bilan haqorat qilib, ularning tanasining turli joylariga qo‘l bilan urib oyoqlari bilan tepayotgani tasvirlangan videolar keng tarqalmoqda.
O‘rganishlar natijasiga ko‘ra bugungi kunga qadar Ichki ishlar organlari Navbatchilik qismlariga videoda tasvirlangan holatlar yuzasidan xech kim murojaat qilmagani ma’lum bo‘ldi.
Aybdor shaxslarga nisbatan chora ko‘rish va qonuniylikni ta’minlash maqsadida, Sizdan videoda tasvirlangan holat yuzasidan asosli ma’lumotga ega bo‘lsangiz, telegram orqali @muloqot_maydoni manzili yoki 71 231 34 28 raqami orqali habardor qilishingizni so‘raymiz.
Habar bergan fuqaroning shaxsi sir saqlanishi kafolatlanadi», — deya murojaat qilingan edi IIV tomonidan.
Axborot xizmati tomonidan xabar qilinishicha, olib borilgan tekshiruvlar davomida mushtumzo‘rlarning shaxsiga aniqlik kiritildi.
Videoda tasvirlangan holatlar 2018 yil mart oyining boshlarida Toshkent viloyati Angren shahri Ohangaron ko‘chasi, 2/5 daha qarshisida joylashgan 72-sonli avtokorxonaning orqa tomonida bo‘lib o‘tgani, unda 2001 yilda tug‘ilgan S.P. uch nafar tengdoshlari bilan tanishlari Sh.F. va Sh.T. larni ilgari yuzaga kelgan kelishmovchilik sababli urib tepganliklari, keyinchalik mazkur holat mahalla fuqarolar yig‘ini raisi hamda ikki tomonning ota-onalari ishtirokida muhokama qilingani, kelishmovchilikka barham berilgani, holat ishtirokchilarining bir-birlariga nisbatan da’vosi yo‘qligi aniqlandi.
Fuqaro S.P. bilan suxbatlashilganda, mazkur video qaysi yo‘l bilan tarqalib ketganini bilmasligini, qilgan ishidan chin ko‘ngildan pushaymonligini bildirib, ushbu holat yurtdoshlarimiz orasida shov-shuvga va ularning haqli e’tiroziga sabab bo‘lganligi uchun kechirim so‘ragan.
Shu o‘rinda, holatga oydinlik kiritishda ko‘maklashgan va yurtdoshlarimiz taqdiriga befarq bo‘lmagan fuqarolarga Ichki ishlar vazirligi rahbariyati nomidan axborot xizmati minnatdorchilik bildirdi.
“Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Sergey Shoygu: “Ukraina Rossiya bilan urushda 111 mingdan ortiq askarini yo‘qotdi”
Fyodor Yemelyanenko: “Men Mayk Tayson bilan jang qilishni reja qilgandim”
Baydenning maslahatchisi: AQSHning Ukrainaga yordami Rossiyani to‘xtata olmaydi
Ukrainada safarbarlik to‘g‘risidagi yangi qonunning bir qismi kuchga kirdi
Messi amerikaliklarni hayratga solishda davom etmoqda
Messining kelishi "Inter Mayami" budjetiga qanday ta’sir qildi?
Osvensimda minglab yahudiylar «Tiriklar marshi» aksiyasini o‘tkazdi
La Liga. “Real Madrid” muddatidan oldin Ispaniya chempionligini qo‘lga kiritdi (video)