2 193
Behzod Musayev: "Har 100 nafar bemorga bir nafar nufuzli tibbiyot xodimi biriktiriladi"
Bosh vazir o‘rinbosari, respublika maxsus komissiyasi a’zosi Behzod Musayev «O‘zbekiston 24»ga bergan intervyusida qat’iy karantin davrida tibbiyot muassasalarini jihozlash, ularning sonini ko‘paytirish va aholiga tezlik bilan tibbiy xizmat ko‘rsatish ishlari amalga oshirilayotganini ma’lum qildi.
Behzod Musayev Zangiota ko‘p tarmoqli yuqumli kasalliklari shifoxonasi haqida to‘xtalib o‘tib, kompleks koronavirusga chalingan va statsionar sharoitda davolanishga muhtoj bemorlarni davolashga ixtisoslashishini ma’lum qildi.
«Zangiota kompleksida jami 3500 bemorni davolash uchun zudlik bilan sharoit yaratish ishlari amalga oshirilmoqda. Bu yerda bemorlar kislorod bilan yetarlicha ta’minlanadi, har 100 bemorga o‘zlarining davolovchi shifokoridan tashqari tibbiyot sohasida yuqori malakaga ega bo‘lgan bir nafar shifokor biriktiriladi. Ular tibbiyot fanlari doktorlari, fan nomzodlari rektor va prorektorlar bo‘lishi mumkin.
Bu tajriba nafaqat Zangiota kompleksida, balki respublikaning barcha hududlaridagi koronavirus shifoxonalarida tatbiq etiladi, ya’ni davolanayotgan har 100 nafar bemorga bir nafar nufuzli tibbiyot xodimi biriktiriladi», dedi u.
Bosh vazir o‘rinbosari Zangiota kompleksida havo almashish tizimi to‘g‘ri yo‘lga qo‘yilgani uchun 14 kunlik xizmat davomida biror tibbiyot xodimi koronavirus bilan zararlanmaganini ma’lum qildi.
Shuningdek, maxsus komissiya a’zosi joriy yilgi Qurbon hayiti bayramining karantin cheklovlariga amal qilgan holda nishonlanishi lozimligini ta’kidladi.
«Urf-odatlarimizga ko‘ra, hayit bayramida qarindoshlarni yo‘qlash, turli yig‘inlar o‘tkazish, ma’rakalar o‘tkazish amallari bajariladi. Lekin hozir bu kabi tadbirlardan cheklanib turishni tavsiya qilmoqdamiz.
Sababi, bir tomondan karantin kuchaytirilib, davlat xalqiga yordam berish uchun tibbiyot muassasalari va tibbiyot xodimlarini ko‘paytirayotgan bir paytda kasallar soni ko‘payib ketadigan bo‘lsa, hech qanday tibbiyot muassasasi ularni davolash imkoniga ega bo‘lmay qoladi. Shuning uchun ham bu yilgi Qurbon hayitini oilaviy nishonlash tavsiya etilmoqda», dedi maxsus komissiya a’zosi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Zelenskiyga ukrainaliklar haqida kutilmagan yangilik aytildi
AQSHning Suriyadagi harbiy bazasiga raketalar hujum qildi
Shveysariya prezidenti Putinga maktub yo‘lladi
Akademik Qodir G‘ulomov Qo‘shrabotda bo‘ldi
O‘zbekistonda o‘tgan uch oyda qancha avtomobil ishlab chiqarilgan?
Olimlar o‘quvchilarning familiyasidagi bosh harf ularning bahosiga ta’sir qilishini aniqladi
Futzal. Osiyo Kubogi. Tojikiston Yaponiyani guruhda qoldirdi
Ramzan Qodirovning 19 yoshli qizi medal bilan taqdirlandi
