07:37 / 05.10.2020
976

Tibbiyot sohasi boshqaruvidagi xodimlarga ustamalar to‘lanadi, hokimlarga yangi vakolat berildi

Tibbiyot sohasi boshqaruvidagi xodimlarga ustamalar to‘lanadi, hokimlarga yangi vakolat berildi
Prezident Shavkat Mirziyoyev 2 oktabr kuni «Sog‘liqni saqlash sohasida davlat boshqaruvi tizimini yanada takomillashtirish chora-tadbirlari to‘g‘risida»gi qarorni imzoladi.

Qarorga asosan, bundan buyon Qoraqalpog‘iston sog‘liqni saqlash vaziri va viloyatlar sog‘liqni saqlash boshqarmalari boshliqlarini tayinlashda Jo‘qorg‘i Kengesi raisi va viloyat hokimlari bilan kelishish talab etiladi.

Ushbu talab hududiy tibbiyot muassasalari rahbarlari tayinloviga ham taalluqli.

1 noyabrdan boshlab, Sog‘liqni saqlash vazirligi va hududiy boshqaruv organlari xodimlariga quyidagi miqdorda ko‘p yillik ishlaganlik uchun har oylik ustama to‘lanadi (rag‘batlantirish koeffitsiyentini inobatga olgan holda lavozim maoshiga nisbatan koeffitsiyentlarda):

1 yildan 3 yilgacha – 0,3
3 yildan 5 yilgacha – 0,6
5 yildan 10 yilgacha – 0,8
10 yildan 15 yilgacha – 1
15 yildan 20 yilgacha – 1,2
20 yildan yuqori – 1,5

Bundan tashqari, qaror bilan:
  • Sog‘liqni saqlash vaziri o‘rinbosari – Toshkent shahar sog‘liqni saqlash bosh boshqarmasi boshlig‘i lavozimi joriy etildi;
  • Sog‘liqni saqlash vaziri o‘rinbosari – Respublika shoshilinch tibbiy yordam ilmiy markazi bosh direktori lavozimi tugatildi;
  • SSV tizimida shtatlar ko‘paytirilishi va ustamalar joriy etilishi munosabati bilan, Innovatsion sog‘liqni saqlash milliy palatasi shtat birliklari maqbullashtiriladi.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)