10:25 / 12.01.2021
768

Toshkentdagi ayrim yo‘llar 31 yanvargacha yopiladi

Toshkentdagi ayrim yo‘llar 31 yanvargacha yopiladi
Toshkent shahar hokimligi matbuot xizmatining xabariga ko‘ra, poytaxtdagi Tolimarjon va Farg‘ona yo‘li ko‘chalari kesishmasida olib borilayotgan yo‘l ta’mirlash ishlari sababli 2021 yilning 31 yanvar kuniga qadar quyidagi harakatlanish yo‘nalishlari yopiq bo‘ladi:
- Sayhun ko‘chasidan Farg‘ona yo‘li ko‘chasiga to‘g‘ri chiqish yo‘li;
- Farg‘ona yo‘li ko‘chasidan Sayhun ko‘chasiga to‘g‘ri tushish yo‘li;
- Tolimarjon ko‘chasidan Farg‘ona yo‘li ko‘chasiga burilish — «O‘zelektroapparat» zavodidan Farg‘ona dehqon bozori yo‘nalishida;
- Islom ota masjididan «O‘zbek qog‘ozi» yo‘nalishidagi dublyor yo‘li.

Foto: Toshkent shahar hokimligi

Foto: Toshkent shahar hokimligi
Mazkur yo‘l qismidagi ta’mirlash ishlari jarayonida transport oqimini taqsimlash uchun Sayhun va Farg‘ona yo‘li ko‘chalari oralig‘idagi qaytish yo‘l bo‘ylab ikki tomonlama harakatlanish ochiladi.

Tirbandliklarning oldini olish uchun haydovchilarga aylanma yo‘llar orqali harakatlanish tavsiya etilgan.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)