1 899
MIB Angren shahar bo‘limi boshlig‘ining o‘z xodimlariga nisbatan haqoratomuz munosabati Senat nazoratiga olindi
Angrenda xodimlarini so‘kib, yarim tunda boshqarmaga borishni buyurgan MIB boshlig‘i harakatlari Senatning Sud-huquq masalalari va korrupsiyaga qarshi kurashish qo‘mitasi tomonidan nazoratga olindi. Bu haqda Senat matbuot xizmati xabar berdi.
Unda aytilishicha, MIB Angren shahar bo‘limi boshlig‘i M.Yu. xodimlarning Telegram guruhida ijro xodimlarining kunlik rejasini bajarmaganligi uchun ularni kasb odobnomasiga, insoniylik fazilatlariga, qolaversa, ayollik fazilatlariga to‘g‘ri kelmaydigan hamda kurakda turmaydigan so‘zlar bilan haqoratlagan.
«Mamlakatimizda inson qadri hamma narsadan ustun bo‘lib turgan bir paytda, afsuski, bunday ‘rahbarlar’ ham uchramoqda. Tabiiyki, ushbu holat senatorlarni ham befarq qoldirmadi. Shu bois Senatning Sud-huquq masalalari va korrupsiyaga qarshi kurashish qo‘mitasi O‘zbekiston Respublikasi Majburiy ijro byurosidan mazkur holat bo‘yicha byuroning Angren shahar bo‘limi boshlig‘ining xatti-harakatlarini atroflicha tahlil qilib, qonuniy chora ko‘rilishi va tegishli axborot taqdim etilishini so‘raydi», — deyiladi O‘zbekiston parlamenti yuqori palatasi xabarida.
Shuningdek, qayd etilishicha, ijtimoiy tarmoqlarda «MIBning Qoraqalpog‘iston Respublikasi boshqarmasi xodimlari nomidan bosh prokurorga shikoyat yo‘llangan. Holatni markaziy apparat o‘rganmoqda» nomli xabar e’lon qilingan. Ushbu holatni o‘rganish natijalari yuzasidan bayonot berilmagan.
«O‘z o‘rnida, mazkur holat Bosh prokuratura tomonidan nazoratga olingan holda o‘rganib chiqilishi va natijasi yuzasidan rasmiy bayonot berilishi so‘raladi», — deyiladi xabarda.
Har ikki holat Senatning Sud-huquq masalalari va korrupsiyaga qarshi kurashish qo‘mitasi tomonidan nazoratga olingani ma’lum qilingan. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Osvensimda minglab yahudiylar «Tiriklar marshi» aksiyasini o‘tkazdi
Messi “dahshatli” ko‘rsatkich qayd etdi (video)
G‘azo aholisi HAMASning tinchlikka erishish yo‘lidagi qarorini nishonlash uchun ko‘chalarga chiqdi
Rossiyada amerikalik askar o‘g‘rilikda ayblanib qo‘lga olindi
Turkiyaning kutilmagan qadami: Isroil bilan savdo to‘xtatilgani nimani anglatadi?
Buxoroda birovning nomiga yashirincha onlayn kredit olgan 23 yoshli qiz ushlandi
Ikki toifa odamlar bor: ular hech nimani qo‘lga kirita olmaydi
Isroil rasmiysi: “Isroil urushni to‘xtatmaydi”