Shavkat Mirziyoyev Pekinga tashrif buyurdi

Shavkat Mirziyoyev 4 fevral kuni 2022 yilgi qishki Olimpiya o‘yinlarining ochilish marosimida ishtirok etish uchun Pekin shahriga tashrif buyurdi.

Prezident matbuot xizmatining xabar berishicha, Xitoy poytaxtining «Shoudu» xalqaro aeroportida davlat rahbarini ushbu mamlakatning rasmiy shaxslari kutib oldi.

<sup>Foto: Prezident matbuot xizmati

Foto: Prezident matbuot xizmati</sup>
Qishki Olimpiadaning ochilish marosimi bugun Toshkent vaqti bilan 17:00 da Pekindagi «Qush uyasi» milliy stadionida boshlanadi.

Tadbirda Xitoy Xalq Respublikasi raisi Si Szinpin taklifiga binoan bir qator xorijiy davlatlar va hukumatlar, yetakchi xalqaro tashkilotlar rahbarlari qatnashadi.

Sinxua axborot agentligi ma’lumotiga ko‘ra, Xitoy rahbari 4—6 fevral kunlari Pekinda xorijiy davlatlar yetakchilari, hukumat rahbarlari, qirollik oilalari a’zolari va xalqaro tashkilotlar rahbarlari sharafiga qabul marosimi o‘tkazadi.

Mehmonlar orasida Rossiya, Singapur, Qozog‘iston, Qirg‘iziston, Tojikiston, Turkmaniston, O‘zbekiston, Misr, Polsha, Argentina rahbarlari, Kambodja qiroli, Qatar amiri, Saudiya Arabistoni valiahd shahzodasi, boshqa qator davlatlar yetakchilari, Xalqaro olimpiya qo‘mitasi prezidenti Tomas Bax, BMT Bosh kotibi Antoniu Guterrish, Jahon sog‘liqni saqlash tashkiloti bosh direktori Tedros Gebreyesus bor.

Ma’lumot uchun, Olimpiya o‘yinlari 4—20 fevral kunlari, Paralimpiya o‘yinlari esa 4—13 mart kunlari bo‘lib o‘tadi. “Zamin” yangiliklarini “Facebook”da kuzatib boring