“X-Faktor”dagi chiqish ijtimoiy tarmoqlarda bahsga sabab bo‘ldi

So‘nggi kunlarda "X-Faktor" ko‘rsatuvidagi bir lavha ijtimoiy tarmoqlarda keskin bahslarga sabab bo‘ldi, deb xabar berdi Zamin.uz.

Bahsga sababchi bo‘lgan chiqish Qozog‘istonlik xonanda Say Moga tegishli bo‘ldi. U sahnada kuylagan paytda kiygan libosi va sahnadagi harakatlari ko‘plab tomoshabinlarning tanqidiga uchradi.

Ayniqsa, ijtimoiy tarmoqlarda ko‘plab foydalanuvchilar bu kabi chiqishlarni ommaviy televideniyeda efirga uzatishni noto‘g‘ri deb hisobladi. Ko‘pchilik bunday obrazlar milliy madaniyat va an’analarga to‘g‘ri kelmasligini ta’kidladi.

Tomoshabinlarning fikricha, bu turdagi sahna chiqishlari ayniqsa yoshlar va bolalar uchun mo‘ljallangan ko‘rsatuvlarda mos emas.

Hozircha ko‘rsatuv mualliflari yoki kanaldan rasmiy izoh berilgani yo‘q. Fikrlar ikkiga bo‘lingan: ayrimlar bu senzura emas, balki jamoatchilikning tabiiy noroziligi deb hisoblayapti.

Mazkur holat sahna erkinligi, madaniy qadriyatlar va ommaviy axborot vositalari mas’uliyati borasida kengroq bahs-munozaralarga sabab bo‘ldi.

Dilfuza Razzoqova

«ZAMIN.UZ» muharriri