Hindistonning mashhur aktyori va prodyuseri Amirxon 2025-yilda katta tanaffusdan so‘ng o‘zining yangi filmi bilan sahnaga qaytmoqda. Bu haqda Hind ommaviy axborot vositalari xabar berdi.
Unga ko‘ra, aktyor hozirda “Sitare Zameen Par” nomli film ustida ishlamoqda. Ushbu loyiha uning oldingi “Taare Zameen Par” filmiga mazmunan yaqin bo‘lishi kutilmoqda. Yangi filmda bolalar ruhiyati, ta’lim va jamiyatdagi munosabatlar asosiy mavzuga aylanishi aytilmoqda.
So‘nggi yillarda Amirxon aktyorlik faoliyatida tanaffus olib, asosan shaxsiy hayoti, farzandlari va xayriya ishlariga vaqt ajratgan. Ayniqsa, 2024-2025-yillarda u ko‘plab ta’lim loyihalarini qo‘llab-quvvatlagan.
Rejaga ko‘ra, film 2025-yil oxiri yoki 2026-yil boshlarida namoyish etiladi. Unda bosh rolni ham Amirxonning o‘zi ijro etadi.
Tomoshabinlar va kinotanqidchilar ushbu filmni katta qiziqish bilan kutmoqda. Amirxon har doim jamiyatga ta’sir qiladigan, chuqur ma’noga ega filmlar ishlashi bilan tanilgan.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
