Xonanda Munisa Rizayeva o‘g‘li Aleeks bilan birga o‘tkazayotgan baxtli va samimiy lahzalarini Instagram sahifasiga joyladi. San’atkor ushbu onlarni muxlislari bilan bo‘lishishni istab, ona va bola o‘rtasidagi mehrga to‘la daqiqalarni namoyish etdi.
Videoda Munisa o‘g‘li bilan birga multfilm tomosha qilayotgani, uni erkalagani aks etgan. Ushbu kadrlar qisqa fursatda muxlislar e’tiborini tortib, ko‘plab iliq izohlar va samimiy tilaklarga sabab bo‘ldi. Kuzatuvchilar Aleeksning shirinligi va yoqimtoyligini alohida ta’kidlab, xonandaga va uning oilasiga baxt tilashdi.
Mazkur video orqali Munisa Rizayeva onalik naqadar ulkan baxt ekanini, farzand Alloh bergan eng bebaho ne’mat ekanini yana bir bor eslatdi. Shuningdek, ona uchun farzandi bilan birga o‘tkazilgan har bir lahza eng qadrli, eng qimmatli boylik ekanini samimiy tarzda ifodalab berdi.
