Dilnoz Hakimova muxlislariga o‘zining yangi ijodiy ishini taqdim etdi. Xonandaning “Dilbarim” deb nomlangan yangi qo‘shig‘i 8 mart kuni soat 20:00 da YouTube kanali orqali namoyish etildi.
Tarona qisqa vaqt ichida tinglovchilar tomonidan iliq qarshi olindi. Qo‘shiq joylanganidan so‘ng ko‘p o‘tmay muxlislar tomonidan ijobiy fikrlar va samimiy izohlar qoldirildi. Ayniqsa, xonandaning ovozi va qo‘shiqning musiqiy ohangi tinglovchilarga manzur bo‘lgani ta’kidlanmoqda.
Qayd etilishicha, tarona joylanganidan keyin qisqa fursat ichida 17 mingdan ortiq tomosha qilingan. Muxlislar izohlarda xonandaning ijodiga omad tilab, yangi qo‘shiqlarini intiqlik bilan kutayotganliklarini bildirishgan.
Ayni paytda “Dilbarim” qo‘shig‘i ijtimoiy tarmoqlarda ham faol muhokama qilinmoqda. Ko‘plab tinglovchilar ushbu tarona Dilnoz Hakimovaning navbatdagi muvaffaqiyatli ishlaridan biri bo‘lishi mumkinligini ta’kidlamoqda.
