Oliy Majlis deputati qo‘shiq yaratdi

Oliy Majlis Qonunchilik palatasi deputati, kompozitor Oydin Abdullayeva fashizm ustidan qozonilgan G‘alabaning 75 yilligiga bag‘ishlangan "Kabutar" nomli qo‘shiqni yaratdi. Qo‘shiq so‘zlari Muhiddin Omonga tegishli.

Oydin Abdullayeva - 4-chaqiriq O‘zbekiston Respublikasi Oliy Majlisi Qonunchilik palatasining Fan, ta’lim, madaniyat va sport masalalari qo‘mitasining a’zosi. U bir qator simfonik, cholg‘u asarlar, shuningdek, kino va teatr uchun yozilgan musiqalar muallifidir.

Zulfiya nomidagi Davlat mukofoti sovrindori (2000), "Yilning eng yaxshi bastakori" nominatsiyasida "Ehtirom-2015" mukofoti sovrindori.

Parlament faoliyatida Oydin Abdullayeva yoshlarni qo‘llab-quvvatlash, milliy madaniyatni rivojlantirish masalalari bilan shug‘ullanadi. Madaniyat sohasida mualliflik huquqini himoya qilishga qaratilgan bir qator qonun loyihalarining muallifi.
“Zamin”ni Telegramʻda oʻqing!