09:32 / 22.04.2016
6 809

Toshkentning markazida qad rostlayotgan Hyatt Regency mehmonxonasida qurilish ishlari poyoniga etmoqda

Toshkentning markazida qad rostlayotgan Hyatt Regency mehmonxonasida qurilish ishlari poyoniga etmoqda
Toshkentning markazida, Amir Temur ko‘chasi va Navoiy ko‘chalari kesishmasi yaqinida qad rostlayotgan Hyatt Regency mehmonxonasining qurilish ishlari poyoniga etmoqda. Quruvchilar mehmonxonaning tashqarisi va ichkarisida pardozlash ishlarini deyarli yakuniga etkazdilar va ob’ektni rejalashtirilgan muddatda topshirishga va’da bermoqdalar. Bu haqda "Kun.uz" xabar bermoqda.

Loyihaga ko‘ra, yangi Hyatt Regency Tashkent mehmonxonasi 301 xonali, jumladan 44 ta lyuks xonali bo‘ladi. Mehmonxonada 2 ta restoran, bar va launj hudud, bal zali, spa va fitnes klub joylashadi. Shuningdek, unda xalqaro anjuman va festivallar o‘tkazish uchun 1,2 ming kvadrat metr maydonga ega anjumanlar zali ham bo‘ladi.

Hyatt Hotels Corporation kompaniyasi mehmonxona Toshkentda yirik anjuman va festivallar o‘tkazish joyi bo‘lishiga ishonch bildirmoqda.

Ta’kidlash joizki, hukumat bu loyihani amalga oshirishda ishtirok etayotgan kompaniyalarga bojxona va soliq imtiyozlarini taqdim qilgan.

Ma’lumotlarga ko‘ra, 205 mln dollarlik mehmonxona ochilishi joriy yilning 1 iyuliga belgilangan.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » O‘zbekiston » Toshkentning markazida qad rostlayotgan Hyatt Regency mehmonxonasida qurilish ishlari poyoniga etmoqda
[/banner_pushhouse