2025-yil 1-fevraldan boshlab Toshkent viloyatida aholiga taqdim etiladigan isitish va issiq suv xizmatlari tariflari 9−15 foizga oshiriladi. Bu haqda viloyat kengashi tomonidan 6-yanvar kuni tasdiqlangan qarorga tayanilib "Gazeta.uz" xabar berdi.
Mazkur oʻzgarishlar «Issiqlik manbai», «Angren issiqlik energiyasi», «Chirchiq issiqlik energiyasi» va «Olmaliq issiqlik manbai» korxonalarining xizmatlariga taalluqli.
Masalan, «Issiqlik manbai» korxonasi xizmat koʻrsatayotgan hududlarda, jumladan Zangiota, Qibray, Ohangaron, Toshkent, Boʻstonliq, Yuqorichirchiq tumanlari va Yangiyo‘l, Nurafshon, Bekobod, Ohangaron, Piskent shaharlarida aholi uchun issiqlik energiyasi narxi 14,9 foizga oshib — 81 312 soʻmdan 93 464 soʻmga (QQS bilan) koʻtariladi.
Shuningdek, hisoblagich borida 1 kub metr issiq suv narxi 4472,16 soʻmdan 5144,16 soʻmga (15 foizga), hisoblagichsiz esa bir kishiga toʻgʻri keladigan toʻlov 17 466,4 soʻmdan 20 076,11 soʻmga koʻtariladi.
Boshqa tashkilotlar va korxonalar uchun tariflar ancha oshiriladi. Misol uchun, byudjet tashkilotlari uchun isitish narxi toʻrt barobar koʻtarilib, 560 000 soʻmga etadi, ulgurji iste'molchilar uchun esa ikki yarim barobar oshib, 358 400 soʻmni tashkil etadi.
Eslatib oʻtamiz, 2024-yil noyabr oyida Toshkent shahrida ham issiq suv va isitish tariflari 15 foizga oshirilgan edi. Shu bilan birga, 2025-yilda mamlakat boʻylab bu tariflarni yiliga ikki marta oshirish rejalashtirilgan. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Oʻzbekistonda qarzdorlar uchun majburiyatlar reyestri joriy etiladi
9 yanvar kuni qanday ob-havo kutilmoqda?
Davlat sirlari toʻgʻrisida qonun qabul qilindi
Oʻzbekistonda tarqatish taqiqlangan materiallar roʻyxati yangilandi
Oʻzbekistonning harbiy salohiyati qanday?
Endi shaxsni tasdiqlovchi va boshqa hujjatlarning elektron nusxasi ham rasman tan olinadi
8 yanvar kuni qanday ob-havo kutilayotgani ma'lum qilindi
Oʻzbekistonga yana sovuq havo kirib kelmoqda
