Toshkentda noqonuniy qurilishlarni buzish ishlari boshlandi

Toshkent shahar hokimiyati noqonuniy qurilishlarga qarshi kurash ishlarini boshladi. Bu haqda UPL nashri xabar berdi.

Hokimlik shaharda aholiga noqulayliklar tugʻdirayotgan va qator infratuzilma muammolarini keltirib chiqarayotgan noqonuniy qurilishlarni oʻrganmoqda. Rasmiylarning ta'kidlashicha, noqonuniy qurilmalar tirbandliklar keltirib chiqarishi, irrigatsiya tizimlariga zarar etkazishi, yosh bolali ota-onalar, nogironligi boʻlgan insonlar hayotini qiyinlashtirishi hamda shahar tashqi koʻrinishiga putur etkazishi bilan xavfli hisoblanadi.

Shahar hokimiyati fuqarolarga koʻchmas mulk sotib olishdan oldin hujjatlarni sinchiklab oʻrganishni tavsiya etadi. Shuningdek, aholiga noqonuniy qurilishlar haqida mahalliy hokimiyat organlariga xabar berishni soʻragan. “Zamin” yangiliklarini “Telegram”da kuzatib boring