2022–2025 yillarda faol kompaniyalar soni 100 mingga kamaydi

So'nggi uch yilda O'zbekistonda faoliyat yuritayotgan kompaniyalar soni sezilarli darajada kamaydi, deb xabar berdi UPL.uz. 2022 yilda 542 672 ta kompaniya faoliyat yuritgan bo'lsa, 2025 yil apreliga kelib, bu ko'rsatkich 442 402 taga tushdi. Bu esa 100 mingga yaqin yuridik shaxslarning yo'qolganini anglatadi.

Eng katta kamayish sanoat (38%) va qurilish (37%) sohalarida kuzatildi. Deyarli barcha iqtisodiy sohalarda pasayish qayd etilgan, faqatgina sog'liqni saqlash va ijtimoiy xizmatlar sohasida 16% o'sish kuzatilgan.

Qizig'i shundaki, korxonalar soni kamayishiga qaramay, mahsulot va xizmatlar hajmi oshgan. Masalan, 2022 yil birinchi choragida 92 064 ta sanoat korxonasi 114 trln so'mlik mahsulot ishlab chiqargan bo'lsa, 2025 yilda 56 321 ta korxona 211 trln so'mlik mahsulot ishlab chiqargan. “Zamin”ni Telegramʻda oʻqing!