Moskvada Rossiya Ijtimoiy jamgʻarmasiga (SFR) hujjatlarni raqamli formatda uzatish tizimi joriy etildi. Bu yangilik bir qator ijtimoiy xizmatlarni rasmiylashtirish jarayonini sezilarli darajada tezlashtirish imkonini beradi. Bu haqda Ixbt.com xabar beradi.
Axborot texnologiyalari departamenti "Mening hujjatlarim" davlat xizmatlari markazlari va SFR oʻrtasidagi oʻzaro hamkorlikni taʼminlovchi axborot tizimini test rejimida ishga tushirdi. Hozirda ushbu tizim orqali oltita davlat xizmati, jumladan, bola tugʻilganda beriladigan bir martalik nafaqa va harbiy xizmatchilarning oila aʼzolariga toʻlanadigan kompensatsiyalar boʻyicha hujjat almashish mumkin.
Ilgari barcha hujjatlar kurerlik xizmati orqali qogʻoz koʻrinishida yuborilgan boʻlsa, endilikda mutaxassis hujjatlarni skanerlab, ularni bir zumda raqamli shaklda jamgʻarmaga yuboradi. Bu esa inson omilini kamaytiradi va vaqtni tejaydi.
Yaqin kelajakda tizimning funksionalligini kengaytirish va unga boshqa davlat muassasalarini ham ulash rejalashtirilgan. Moskva aholisi roʻyxatdan oʻtgan manzili va yashash joyidan qatʼi nazar, istalgan "Mening hujjatlarim" markaziga murojaat qilishlari mumkin.
“Zamin”ni Telegramʻda oʻqing!
