Avtobus to‘xtash punktlarida 2 800+ nuqson aniqlandi

O‘zbekistonda 2 800 dan ortiq avtobus to‘xtash joyida kamchiliklar aniqlandi, deb upl.uz xabar berdi. Raqobatni rivojlantirish va iste’molchilar huquqlarini himoya qilish qo‘mitasi tomonidan fuqarolardan kelib tushgan shikoyatlar asosida tanlab tekshiruvlar o‘tkazildi. Natijada, ko‘plab to‘xtash joylari belgilangan me’yorlarga javob bermasligi ma’lum bo‘ldi.

Xususan:
• 286 to‘xtash joyida issiq va sovuqdan himoya qiluvchi to‘siqlar yo‘q;
• 210 joyda savdo nuqtalari joylashtirilgan;
• 387 to‘xtash joyida nogironlar uchun sharoit yo‘q;
• 412 joyda yoritish tizimi mavjud emas;
• 57 to‘xtash joyida yomg‘ir va qor uchun himoya vositalari yo‘q;
• 156 joyda to‘xtash nomi ko‘rsatilmagan;
• 255 to‘xtash joyida marshrut raqamlari yo‘q.

Standartlarga ko‘ra, to‘xtash joylari 3 tomondan yopiq bo‘lishi, har 4 yo‘lovchiga 1 m² maydon ajratilishi, nogironlar uchun panduslar, har 10 m² ga bitta o‘rindiq, ichki va tashqi axlat qutilari, yoritish tizimi va reklama taqiqlari bo‘lishi zarur. Aniqlangan muammolar bo‘yicha Transport vazirligi va mahalliy hokimiyatlarga ko‘rsatmalar yuborildi. “Zamin”ni Telegramʻda oʻqing!