Toshkentda jamoat transporti harakati vaqtincha o‘zgartirildi

Toshkent shahar hokimligi ma’lumotiga ko‘ra, quvur ta’mirlash ishlari olib borilayotgani sababli ayrim avtobus yo‘nalishlariga o‘zgarishlar kiritildi, deb Kursiv.media xabar berdi.

O‘zgarishlar 18-avgustdan kuchga kirib, ta’mir jarayoni yakunigacha davom etadi. Shu vaqt mobaynida ayrim avtobuslar aylanma yo‘llardan harakatlanishi belgilandi.

Hokimiyat yo‘lovchilardan yo‘nalishdagi o‘zgarishlarni oldindan bilib olishni so‘ramoqda. Shuningdek, aholiga qulaylik yaratish uchun qo‘shimcha ma’lumot berilishi ta’kidlandi.