Kechagi davlat rahbarining tadbirkorlar bilan uchrashuvida, so‘nggi uch yilda marketpleyslar soni 24 tadan 163 tagacha oshgani qayd etildi, deb Uz24 xabar berdi.
Prezident Shavkat Mirziyoyev ta’kidlashicha, tadbirkorlar mahsulotlarini raqamli platformalar orqali eksport qilishni o‘rgangan. Ular milliy va xorijiy marketpleyslarda sotilgan mahsulotlar uchun ham an’anaviy eksportdagidek QQS qaytarilishini talab qilishgan.
Davlat rahbari mas’ullarga bu jarayonni tasdiqlab, amaliyotga joriy qilishni topshirdi. Shuningdek, fintex-startaplarni ko‘paytirish va ularni qo‘llab-quvvatlash bo‘yicha besh yillik strategiya ishlab chiqilishi aytildi.
“Ochiq banking” ekotizimi joriy etilib, u banklar, fintex kompaniyalar va startaplar o‘rtasida ko‘prik vazifasini bajaradi.
Yaqin yillarda startap loyihalarga yo‘naltiriladigan investitsiyalar hajmi hozirgidan 10 barobar oshirilishi rejalashtirilmoqda.
“Zamin”ni Telegramʻda oʻqing!
