Oliy ta’lim, fan va innovatsiyalar vazirligi buyrug‘iga ko‘ra, 2025/2026-o‘quv yili bosqichma-bosqich boshlanadi, deb Kursiv.media xabar berdi.
3-sentabrdan akademik litseylarning barcha bosqich o‘quvchilari hamda oliy ta’lim muassasalarining 1-bosqich talabalari uchun darslar boshlanadi.
8-sentabrdan esa oliy ta’lim muassasalarining 2 va undan yuqori bosqich talabalari uchun mashg‘ulotlar boshlanadi.
1-bosqich talabalari uchun «Kredit ta’limi tizimiga kirish» haftaligi va «Talabalikka bag‘ishlov» tadbirlari tashkil etiladi. Ushbu davrda talabalar ta’lim muassasalari faoliyati bilan tanishtiriladi, kredit-modul tizimi tushuntiriladi, tanlov fanlarini to‘g‘ri tanlash bo‘yicha maslahatlar beriladi.
Shuningdek, mustaqil ta’lim ko‘nikmalarini shakllantirish, akademik halollik tamoyillarini singdirish hamda kasbiy va shaxsiy rivojlanish bo‘yicha targ‘ibot-tashviqot ishlari olib boriladi.
“Zamin”ni Telegramʻda oʻqing!
