Adliya vazirligi ma’lum qilishicha, qonun hujjatlariga kiritilgan qo‘shimchalar orqali homiylik xayriyalarini yig‘ishning aniq tartibi belgilandi.
Endilikda davlat organlari xodimlari NNT faoliyatiga noqonuniy aralashgan taqdirda, ularga BHMning 7 baravaridan 10 baravarigacha jarima qo‘llanadi. Shuningdek, xayriya yig‘ish tartibini buzgan fuqarolar 3–5 baravar, mansabdor shaxslar esa 5–7 baravar BHM miqdorida jarimaga tortiladi, deb yozmoqda Kursiv nashri.
Yangi tartibga ko‘ra, xayriya yig‘ish oldindan e’lon qilingan muddatda va faqat belgilangan maqsadlarda amalga oshiriladi. Naqd xayriya mablag‘lari shaffof qutilar orqali yig‘ilishi shart. Qutilar maxsus muhr yoki raqamlangan plomba bilan yopilishi lozim. Naqd mablag‘larni bank hisobvaraqlariga o‘tkazish esa qonunchilikka binoan istisno sifatida mumkin.
“Zamin”ni Telegramʻda oʻqing!
