O‘zbekistonning Rossiyadagi elchisi Botirjon Asadov Moskvada o‘tkazilgan davra suhbatida ikki davlat o‘rtasidagi hamkorlik bugungi kunda misli ko‘rilmagan darajaga chiqqanini ta’kidladi. Bu haqda Kursiv.media xabar berdi.
Uning so‘zlariga ko‘ra, hamkorlikning asosi — davlatlar o‘rtasidagi doimiy ishonchli muloqot, parlament va hukumat darajasidagi uchrashuvlar, sanoatdagi qo‘shma loyihalar hamda madaniy-gumanitar aloqalardir.
Oxirgi sakkiz yilda ikki davlat o‘rtasidagi savdo hajmi uch barobar oshgan. Yaqin besh yilda bu ko‘rsatkichni 30 mlrd dollarga yetkazish rejalashtirilgan. Rossiya esa O‘zbekiston iqtisodiyotidagi eng yirik investorlardan biri sanaladi.
Shuningdek, rossiyalik sayyohlarning mamlakatimizga bo‘lgan qiziqishi ham ortib bormoqda. Joriy yilning 8 oyida turizm oqimi 12 foizga oshib, 550 mingga yaqin odam tashrif buyurdi. Tez orada Shavkat Mirziyoyev va Vladimir Putin Xitoyda uchrashib, hamkorlik masalalarini muhokama qiladi.
“Zamin”ni Telegramʻda oʻqing!
