Toshkent shahrida kutilmagan holat sodir bo‘ldi. 16 sentyabr kuni ertalab poytaxtning Yakkasaroy tumanidagi Shota Rustaveli ko‘chasida joylashgan elektron reklama peshtaxtasi yong‘inga cho‘mdi. Bu haqda shahar Favqulodda vaziyatlar boshqarmasi ma’lum qildi.
Rasmiy ma’lumotga ko‘ra, soat 07:26 da yong‘in haqidagi xabar FVB dispetcher xizmatiga kelib tushgan. Qutqaruv otryadlari va yong‘in texnikasi aytib o‘tilgan manzilga bor-yo‘g‘i 5 daqiqada yetib borgan. Ular tomonidan olib borilgan tezkor harakatlar natijasida yong‘in soat 07:40 da to‘liq bartaraf etilgan.
Mutaxassislar ta’kidlashicha, hodisa jamoatchilik orasida sarosima keltirib chiqargan bo‘lsa-da, baqtiyorlikka ko‘ra, hech kim jabrlanmagan. Shu bilan birga, hozirda yong‘inning kelib chiqish sabablari aniqlanmoqda. Dastlabki taxminlarga ko‘ra, elektron peshtaxtadagi elektr uskunalarining nosozligi yoki qisqa tutashuv orqali yong‘in kelib chiqqan bo‘lishi mumkin.
O‘t o‘chiruvchilarning aytishicha, bunday qurilmalarda xavfsizlik talablariga qat’iy amal qilish juda muhim. Chunki elektr jihozlarining yomon holati yoki vaqtida profilaktika ishlarining o‘tkazilmasligi katta yong‘inlarga olib kelishi ehtimoldan xoli emas.
Aholi va tadbirkorlar uchun eslatib o‘tilmoqda: elektron reklama vositalari kabi tok manbalariga bog‘liq qurilmalar muntazam ravishda tekshirilishi shart. Chunki kichikgina bee’tiborlik katta yo‘qotishlar va xavfli holatlarga sabab bo‘lishi mumkin.
Mutaxassislar bu voqea yana bir bor xavfsizlik qoidalariga jiddiy e’tibor qaratish zarurligini ko‘rsatganini ta’kidlamoqda.
“Zamin”ni Telegramʻda oʻqing!
