O‘zbekistonda islomiy bank faoliyatini yo‘lga qo‘yish maqsadida qonun loyihasi ishlab chiqilmoqda, deb Bankir xabar berdi.
Bir necha siyosiy partiyalar o‘z fraksiya yig‘ilishlarida mazkur qonun loyihasini muhokama qilishdi. O‘zLiDep ta’kidlashicha, amaldagi qonunchilikda tijorat banklariga savdo bilan bevosita shug‘ullanish taqiqlangan, islomiy banklarda esa bu keng qo‘llaniladi.
Islomiy moliya tizimida moliyalashtirish sheriklik asosida amalga oshiriladi. Hozirgi qonunlarda esa tijorat banklariga yuridik shaxslar tuzish yoki ustav kapitalida qatnashish cheklangan.
Milliy tiklanish fraksiyasi ma’lumotiga ko‘ra, O‘zbekiston aholisining 68 foizi an’anaviy bank xizmatlaridan foydalanishni xohlamaydi. Bu holat qonunchilikni takomillashtirishni talab etmoqda.
Yangi qonun loyihasi orqali xalqaro standartlarga mos islomiy bank faoliyati uchun huquqiy asos yaratilishi ko‘zda tutilmoqda.
“Zamin”ni Telegramʻda oʻqing!
