O‘zbekistonda “Kelajak” ta’lim markazi tashkil etiladi

O‘zbekiston Prezidenti Shavkat Mirziyoyev mamlakatda yangi Respublika ta’lim markazi — “Kelajak”ni tashkil etish bo‘yicha farmon imzoladi, deb Kursiv Media xabar berdi.

Mazkur markaz “Barkamol avlod” maktabi hamda Respublika o‘quvchi va yoshlar markazi negizida tashkil etiladi. Toshkentda va boshqa barcha hududlarda uning bo‘limlari ochilib, yagona dastur asosida faoliyat yuritadi.

Bundan tashqari, Buxoro, Namangan, Samarqand va Xorazmda “Kelajak” markazlari qoshida bolalar uchun oromgohlar ochiladi. Markazlarga mutaxassislar va nodavlat ta’lim markazlarini jalb etishga ruxsat beriladi.