Veolia shaxsiy kabinetida endi isitish va suv uchun alohida hisob yuritilmoqda

Veolia Energy Tashkent kompaniyasi shaxsiy kabinet funksiyasini takomillashtirdi, deb Kursiv.media xabar berdi. Endi to‘lovlar isitish va issiq suv ta’minoti bo‘yicha alohida ko‘rinishda aks ettiriladi.

Foydalanuvchilar “Hisob-kitoblar” bo‘limida kerakli davrni tanlab, “Tafsilotlar” funksiyasini yoqish orqali qaysi xizmat uchun qancha to‘lov hisoblanganini aniq ko‘rishlari mumkin.

Kompaniya bu yondashuv hisob-kitoblarning shaffofligini oshirishini va foydalanuvchilarga oilaviy byudjetni samarali rejalashtirishda yordam berishini ta’kidladi. Yangi funksiya kompaniya saytida mavjud.