Prezident Shavkat Mirziyoyev qaroriga ko‘ra, muddati o‘tgan oziq-ovqat mahsulotlarini sotganlik uchun jarimalar uch baravar oshiriladi, deb Kursiv Uzbekistan xabar berdi.
Bu choralar ishlab chiqarilgan sana yoki saqlash muddati ko‘rsatilmagan mahsulotlarga ham tatbiq etiladi. Raqobat qo‘mitasiga ikki oy ichida tegishli qonun loyihasini hukumatga taqdim etish topshirilgan.
Hozirda jismoniy shaxslar uchun jarima 3–10 BHM yoki 1,2 mln – 4,2 mln so‘m,
yuridik shaxslar uchun esa 7–10 BHM (2,8 mln – 4,2 mln so‘m)ni tashkil etadi.
Yangi o‘zgarishlar kuchga kirgach, jarimaning eng yuqori miqdori 12,3 mln so‘mdan oshadi.
Shuningdek, 2026-yil mart oyidan boshlab muddati o‘tgan mahsulotlarni sotish butunlay taqiqlanadi.
Bunday mahsulotlar raqamli markirovka tizimi orqali nazorat qilinadi va agar ularning muddati tugagan bo‘lsa, sotuv avtomatik tarzda bloklanadi.
Ma’lumot uchun, hozirda O‘zbekistonda raqamli markirovka tizimi 115,1 ming turdagi mahsulotni qamrab olgan.
“Zamin”ni Telegramʻda oʻqing!
