O‘zbekistonda bank tizimidagi nazorat natijalariga ko‘ra bir nechta moliyaviy tashkilotlarga nisbatan chora ko‘rildi, deb xabar berdi centralbank.uz.
Markaziy bank huzuridagi Bank nazorati qo‘mitasi sentyabr oyidagi yig‘ilishida 43 ta masala ko‘rib chiqib, tegishli qarorlar qabul qildi. Ularning katta qismi ro‘yxatga olish, ruxsat berish va bank faoliyatini baholashga oid bo‘ldi.
Tekshiruvlar chog‘ida ayrim bank va to‘lov tashkilotlarining prudensial talablar hamda qonunchilik normalariga to‘liq rioya etmagani aniqlandi.
Natijada 7 ta bank va 13 ta to‘lov tashkilotiga rasmiy ogohlantirish berildi — ularga kamchiliklarni qisqa muddatda bartaraf etish vazifasi qo‘yildi.
Shu bilan birga, 8 ta bank jinoiy daromadlarni legallashtirish va terrorizmni moliyalashtirishga qarshi kurashish qoidalarini buzgani, shuningdek, mijozlarga xizmat ko‘rsatish jarayonida qonun talablariga amal qilmagani uchun jarimaga tortildi.
Markaziy bank ta’kidlashicha, bunday choralar bank tizimidagi shaffoflikni kuchaytirish va fuqarolar ishonchini mustahkamlashga qaratilgan. Muttaxassislar fikricha, bu qaror moliya bozorida intizomni oshirishga xizmat qiladi.
“Zamin”ni Telegramʻda oʻqing!
