O‘zgidromet ma’lumotiga ko‘ra, 21 oktyabr kuni mamlakat bo‘ylab iliq va quyoshli ob-havo saqlanib turadi.
Poytaxt Toshkentda osmon biroz bulutli bo‘ladi, yomg‘ir ehtimoli yo‘q. Sharqdan yengil shamol esadi, harorat kechasi 9–11 daraja, kunduzi 23–25 daraja atrofida bo‘ladi.
Qoraqalpog‘iston va Xorazmda havo tinch, yog‘ingarchilik kutilmaydi. Harorat kechasi 2–7 daraja, kunduzi 18–23 daraja bo‘ladi.
Buxoro va Navoiyda quyoshli kun hukm suradi — harorat 23–28 darajagacha ko‘tariladi. Toshkent, Sirdaryo, Jizzax va Samarqand viloyatlarida ham shunga o‘xshash iliq ob-havo kutilmoqda.
Qashqadaryo va Surxondaryoda havo yanada issiq — kunduzgi harorat 25–30 darajaga yetishi mumkin.
Farg‘ona vodiysidagi viloyatlarda ham yomg‘ir kutilmaydi, harorat 21–26 daraja atrofida bo‘ladi.
Tog‘li hududlarda ob-havo nisbatan salqin bo‘lib, harorat kunduzi 18–23 daraja, kechasi esa 4–9 daraja bo‘lishi aytilmoqda.
Meteorologlar kuzning iliq kunlaridan foydalanib, dam olishni tavsiya etmoqda — hafta yakuni quyoshli va yomg‘irsiz kechishi kutilmoqda.
“Zamin”ni Telegramʻda oʻqing!
