O‘zgidromet ma’lumotiga ko‘ra, 27–30 oktyabr kunlari O‘zbekiston bo‘ylab ob-havo o‘zgaruvchan bo‘ladi. Ayrim hududlarda yomg‘ir yog‘ishi, shamol kuchayishi va harorat asta-sekin pasayishi kutilmoqda.
Qoraqalpog‘iston va Xorazmda 27–28 oktyabrda qisqa muddatli yomg‘ir yog‘ishi mumkin, keyinchalik havo ochilib, 19–24 daraja atrofida bo‘ladi. Ayrim joylarda shamol tezligi 18 m/s gacha yetgan holda chang to‘zonlari kuzatilishi ehtimol qilinmoqda.
Buxoro va Navoiyda ham haftaning o‘rtalarida shamol kuchayishi, ayrim hududlarda yomg‘ir yog‘ishi mumkin. Harorat kunduzi 23–28 daraja, kechasi esa 4–9 daraja atrofida bo‘ladi.
Toshkent, Sirdaryo, Jizzax va Samarqandda 28 oktyabrda qisqa muddatli yomg‘ir kuzatilishi mumkin. Boshqa kunlarda yomg‘irsiz va salqin havo bo‘ladi — kunduzi 21–26 daraja, kechasi 8–13 daraja.
Qashqadaryo va Surxondaryoda 27 oktyabrda 29 darajagacha iliq bo‘ladi, ammo keyinchalik harorat pasayib, 28–30 oktyabrda 23–28 daraja atrofida bo‘lishi kutilmoqda.
Farg‘ona vodiysida 28 oktyabrda qisqa yomg‘ir ehtimoli bor, keyin havo ochilib, harorat kunduzi 18–26 daraja, kechasi 6–11 daraja bo‘ladi.
Tog‘li hududlarda 28 oktyabrda yomg‘ir, baland tog‘larda esa qor yog‘ishi mumkin. Harorat kunduzi 13–20 daraja, kechasi 3–8 daraja atrofida bo‘ladi.
Sinoptiklar ta’kidlashicha, hafta boshidanoq kuzning haqiqiy salqini sezila boshlaydi — ayniqsa, shamolli va yomg‘irli kunlarga tayyorgarlik ko‘rish tavsiya etiladi.
“Zamin”ni Telegramʻda oʻqing!
