O‘zgidromet ma’lumotlariga ko‘ra, 31 oktyabr kuni mamlakatning ayrim hududlarida yomg‘ir yog‘ishi, ba’zi viloyatlarda esa chang‘ to‘zonlar kuzatilishi mumkin.
Toshkent shahrida osmon biroz bulutli bo‘lib, kechqurun qisqa muddatli yomg‘ir yog‘ishi ehtimol qilinmoqda. Shamol yo‘nalishini o‘zgartirib, g‘arbdan 10–12 m/s gacha kuchayishi mumkin. Havo harorati tungi 8–10, kunduzi esa 23 daraja atrofida bo‘ladi.
Qoraqalpog‘iston va Xorazmda ham kechasi yoki ertalab qisqa muddatli yomg‘ir yog‘ishi mumkin. Shamol 18 m/s gacha kuchayib, ayrim hududlarda chang‘ to‘zonlar kuzatilishi ehtimoldan xoli emas. Harorat kunduzi 18 darajagacha bo‘ladi.
Buxoro va Navoiy viloyatlarida ham ba’zi joylarda yomg‘ir yog‘ishi mumkin. Harorat kunduzi 15–20 daraja bo‘lib, shamolning kuchayishi natijasida havo salqinroq bo‘ladi.
Markaziy viloyatlarda — Toshkent, Sirdaryo, Jizzax va Samarqandda yog‘ingarchilik kutilmaydi, ammo shamol 13–18 m/s gacha kuchayishi mumkin. Harorat kunduzi 20–25 daraja bo‘ladi.
Qashqadaryo va Surxondaryoda yomg‘ir bo‘lmaydi, shamol esa ayrim joylarda kuchayishi mumkin. Havo nisbatan iliq — kunduzi 24 darajagacha, kechasi 11 daraja atrofida bo‘ladi.
Farg‘ona vodiysida — Andijon, Namangan va Farg‘onada havo biroz bulutli bo‘lib, ertalab tuman tushishi mumkin. Harorat kunduzi 18–23 daraja, kechasi 6–11 daraja bo‘ladi.
Tog‘ oldi hududlarda esa ayrim joylarda yomg‘ir yog‘ishi kutilmoqda. Harorat kunduzi 17 daraja, kechasi esa 2–7 daraja atrofida bo‘ladi.
Mutaxassislar bu hafta mamlakat bo‘ylab shamolli va o‘zgaruvchan ob-havo saqlanib turishini ta’kidlamoqda.
“Zamin”ni Telegramʻda oʻqing!
