O‘zgidromet 2 noyabr kuni mamlakat bo‘ylab kutilgan ob-havo ma’lumotlarini e’lon qildi.
Ma’lumotlarga ko‘ra, ertaga respublika bo‘yicha asosan quruq va salqin havo saqlanib turadi. Yog‘ingarchilik kutilmaydi, faqat ayrim hududlarda shamol kuchayishi va tuman tushishi mumkin.
Poytaxt Toshkentda osmon biroz bulutli bo‘ladi, shamol sharqdan 3–8 m/s tezlikda esadi. Harorat kechasi 6–8 daraja, kunduzi 18–20 daraja iliq bo‘lishi kutilmoqda.
Qoraqalpog‘iston va Xorazmda sharqiy shamol g‘arbga yo‘nalishini o‘zgartirib, ba’zi joylarda 13–18 m/s gacha kuchayishi mumkin. Harorat kechasi 3–8, kunduzi 15–20 daraja atrofida bo‘ladi.
Buxoro va Navoiy viloyatlarida ham shunga o‘xshash holat kutilmoqda — havo o‘zgaruvchan, lekin yog‘ingarchiliksiz. Harorat kunduzi 17–22 daraja bo‘ladi.
Toshkent, Sirdaryo, Jizzax va Samarqandda havo biroz bulutli, ayrim hududlarda tuman kuzatilishi ehtimoldan xoli emas. Harorat kechasi 5–10, kunduzi 15–20 daraja oralig‘ida bo‘ladi.
Qashqadaryo va Surxondaryo viloyatlarida havo nisbatan iliq — kunduzi 25 darajagacha ko‘tariladi.
Farg‘ona vodiysida — Andijon, Namangan va Farg‘onada ham havo biroz bulutli, shamol sharqdan 5–10 m/s tezlikda esishi kutilmoqda.
Respublikaning tog‘oldi va tog‘li hududlarida ham ob-havo o‘zgaruvchan, ammo yog‘ingarchiliksiz bo‘ladi. Kechasi 3–8, kunduzi 12–17 daraja iliq bo‘ladi.
Meteorologlar kuzning so‘nggi kunlarida havo tobora sovib borishi, ammo hozircha barqaror va xushhavo bo‘lib qolishini ta’kidlamoqda.
“Zamin”ni Telegramʻda oʻqing!
