Andijon viloyati hokimi olimlar bilan suhbat o‘tkazdi

Andijonda «Ilm-fan yutuqlari – taraqqiyotning muhim omili» mavzusida muloqot bo‘lib o‘tdi, deb yozadi «Daryo» nashri.

Viloyat olimlarining ilmiy salohiyatini yanada oshirish, ilmiy-tadqiqot ishlari ko‘lamini kengaytirish, ilm-fan yutuqlarini amaliyotga tatbiq etish borasidagi ishlar samaradorligini oshirish masalalari muhokama qilindi.

Tadbirda ilm-fan sohasini rivojlantirish, uning moddiy-texnik bazasini mustahkamlash, sifat jihatdan yuqori darajaga ko‘tarish, ilmiy-tadqiqot ishlari samaradorligini oshirish, bu borada xalqaro hamkorlikni kengaytirish, ilg‘or xorijiy tajribalarni o‘rganish va ishlab chiqarishga tatbiq etishni shiddat bilan o‘zgarayotgan davr taqozo etayotgani ta’kidlandi.

Olimlar konstruktorlik-texnologik tashkilotlar, innovasiya markazlari tashkil etish, ilm-fanga asoslangan yangi texnologiyalarni joriy etuvchi korxonalarga, xususan, fermer xo‘jaliklariga imtiyoz va preferensiyalar berish, iqtisodiyotni rivojlantirishga xizmat qiladigan muhim ustuvor tadqiqotlarni qo‘llab-quvvatlash, katta tajriba va salohiyatga ega olimlar maktabini yaratish, xalqaro ilmiy markazlar, xorijiy oliy o‘quv yurtlari bilan ilmiy hamkorlikni mustahkamlash, yosh olimlarning ilmiy izlanishlari uchun keng imkoniyatlar yaratish yuzasidan fikr-mulohazalarini bildirdi.

Andijon viloyati hokimi Sh.Abdurahmonov mutasaddi idoralar rahbarlariga ko‘tarilgan masalalarni ijobiy hal etish bo‘yicha tegishli topshiriqlar berdi. “Zamin” yangiliklarini “Facebook”da kuzatib boring