Ertaga mamlakatning deyarli barcha hududlarida havo o‘zgaruvchan, lekin quruq bo‘ladi. Yog‘ingarchilik kutilmaydi.
Toshkent shahrida shamol sharqdan 3–8 m/s tezlikda esadi. Harorat kechasi 3–5 daraja, kunduzi 14–16 daraja iliq bo‘ladi.
Qoraqalpog‘iston va Xorazmda ham havo tiniq bo‘lib, kunduzi 17 darajagacha iliqlashadi. Buxoro va Navoiyda harorat 19 darajagacha ko‘tarilishi mumkin.
Samarqand, Jizzax va Sirdaryo viloyatlarida 17 darajagacha iliq, Qashqadaryo va Surxondaryoda esa kunduzi 20 darajagacha isish kutilmoqda.
Farg‘ona vodiysida (Andijon, Namangan, Farg‘ona) havo tinch va tumanli bo‘lishi ehtimol qilinadi. Kunduzi 17 daraja, kechasi esa 0–5 daraja iliq bo‘ladi.
Tog‘li hududlarda yog‘ingarchilik ehtimoli kam, faqat Toshkent viloyati tog‘larida kechqurun yomg‘ir yoki qor yog‘ishi mumkin. Harorat kunduzi 8–13 daraja, kechasi 2 daraja sovuqqacha pasayishi mumkin.
Meteorologlar ma’lumoticha, mamlakat bo‘ylab hafta boshi iliq va barqaror ob-havo bilan boshlanadi.
“Zamin”ni Telegramʻda oʻqing!
