Yaponiyada o‘zbekistonliklar uchun yangi imkoniyat eshiklari ochilmoqda. Migratsiya agentligi va Proud Partners kompaniyasi hamkorligida yurtimiz fuqarolari uchun 250 ta yetkazib beruvchi haydovchi hamda 150 ta qurilish yo‘nalishidagi ish o‘rinlari taklif etilmoqda. Nomzodlar 1–2 dekabr kunlari Toshkentda o‘tkaziladigan tanlov orqali saralab olinadi.
Haydovchilar uchun talablar oddiy: B yoki C toifasi, 21–35 yosh va xavfsizlik qoidalariga rioya qilish. Qurilish sohasi ishchilari esa 18–35 yoshda bo‘lishi va intizomga ega bo‘lishi kerak.
Eng asosiysi — ish beruvchi 2000 dollardan boshlanuvchi maosh, yiliga ikki marta bonus, turar joy, tibbiy sug‘urta va aviachipta xarajatlarini qoplashni o‘z zimmasiga oladi. Yapon yoki ingliz tilini bilganlar esa alohida ustunlikka ega bo‘ladi.
Qo‘shimcha ravishda, Angrenda bepul yapon tili kurslari ochilishi rejalashtirilgan. Bu tashabbus yurtimiz aholisini yuqori maoshli va qonuniy ish o‘rinlariga yo‘naltirish bo‘yicha amalga oshirilayotgan tizimli ishlar davomi bo‘lib, xorijdan kelayotgan mablag‘lar hajmi ham ortib bormoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
