O‘zbekiston qaysi davlatlardan eng ko‘p mahsulot oldi?

O‘zbekiston 2025 yil yanvar–oktyabr oylarida tashqi bozordan 37,5 mlrd dollarlik mahsulot va xizmatlar xarid qildi. Milliy statistika qo‘mitasining ma’lumotiga ko‘ra, import hajmi o‘tgan yilga nisbatan 16,9 foizga o‘sgan.

Mazkur davrda respublika 177 ta davlat bilan import operatsiyalari amalga oshirgan. Eng ko‘p mahsulot sotib olingan mamlakatlar ro‘yxatida Xitoy va Rossiya barqaror ravishda birinchi o‘rinlarda turibdi.

Top-10 import sheriklar:

• Xitoy — 11,5 mlrd dollar
• Rossiya — 7 mlrd dollar
• Qozog‘iston — 2,7 mlrd dollar
• Turkiya — 1,5 mlrd dollar
• Koreya Respublikasi — 1,4 mlrd dollar
• Germaniya — 953,9 mln dollar
• Hindiston — 941,7 mln dollar
• Turkmaniston — 753,2 mln dollar
• Belarus — 632,5 mln dollar
• AQSH — 614,4 mln dollar

Qolgan davlatlar hissasi esa 9,6 mlrd dollarni tashkil etgan.