Davos shahrida o‘tayotgan “Tinchlik kengashi” Nizomini imzolash marosimi doirasida O‘zbekiston Respublikasi Prezidenti Shavkat Mirziyoyev Ozarbayjon Respublikasi Prezidenti Ilhom Aliyev hamda Vengriya Bosh vaziri Viktor Orban bilan uchrashdi.
Uchrashuv do‘stona muhitda kechdi. Suhbat davomida tomonlar o‘zaro manfaatli aloqalarni yanada kengaytirish, amaliy hamkorlikni yangi yo‘nalishlar bilan boyitish masalalarini muhokama qildi.
O‘zaro hamkorlikni kengaytirishga urg‘u berildi
Yetakchilar ikki tomonlama munosabatlarning hozirgi holati va uni yanada mustahkamlash imkoniyatlari haqida fikr almashdi. Qayd etilishicha, hamkorlikni real loyihalar, yangi tashabbuslar va o‘zaro qo‘llab-quvvatlash ruhi bilan davom ettirish muhimligi ta’kidlandi.
Turkiy davlatlar tashkiloti doirasidagi istiqbollar muhokama etildi
Muloqotda ko‘p tomonlama hamkorlikka, xususan Turkiy davlatlar tashkiloti doirasidagi o‘zaro aloqalarni rivojlantirish istiqbollariga alohida e’tibor qaratildi. Tomonlar bu maydondagi hamkorlikni faollashtirish, tashabbuslarni muvofiqlashtirish va umumiy manfaatlarga xizmat qiladigan yo‘nalishlarni ilgari surish masalalarini muhokama qildi.
“Zamin”ni Telegramʻda oʻqing!
