Yo‘l harakati xavfsizligi xizmati ijtimoiy tarmoqlarda tarqalgan xabarlarga izoh berdi: elektrosamokat va shu kabi individual transport vositalari uchun haydovchilik guvohnomasi talab qilinmaydi.
Vazirlar Mahkamasining 2026 yil 30 martdagi qaroriga ko‘ra, A1 toifadagi haydovchilik guvohnomasi moped, skuter va kichik mototransport vositalari uchun majburiy hisoblanadi. Ammo mazkur qarorda shaxsiy harakatlanish vositalari bundan mustasno ekani alohida qayd etilgan.
Yo‘l qoidalariga muvofiq, dvigatel yordamida harakatlanadigan, bir yoki bir nechta g‘ildirakka ega va shaxsiy foydalanish uchun mo‘ljallangan transport vositalari individual kategoriyaga kiradi. Bunda elektrosamokat, elektr skeytbord, segvey va monog‘ildirak kabi vositalar nazarda tutilgan.
Shu bois, bunday transportni boshqarish uchun haydovchilik guvohnomasi talab qilinmaydi, lekin harakat qoidalariga rioya qilish shart. Xususan, elektrosamokat va boshqa shaxsiy transport vositalari yo‘lda veloyo‘laklardan, ular mavjud bo‘lmagan taqdirda esa yo‘lning chetidan harakatlanishi kerak.
“Zamin”ni Telegramʻda oʻqing!
