“O‘zgidromet” ma’lumotiga ko‘ra, 13 aprel kuni O‘zbekiston bo‘ylab asosan quruq va barqaror ob-havo saqlanadi. Dushanba kuni yog‘ingarchilik kutilmaydi, ayrim hududlarda havo harorati 32 darajagacha ko‘tarilishi mumkin.
Toshkent shahrida ob-havo o‘zgaruvchan bo‘ladi, lekin yomg‘ir yog‘ishi kuzatilmaydi. Sharqiy yo‘nalishdan shamol 3–8 m/s tezlikda esadi. Tunda harorat 12–14 daraja, kunduzi esa 25–27 daraja atrofida bo‘ladi.
Qoraqalpog‘iston va Xorazmda havo o‘zgaruvchan, quruq saqlanadi. Shamol sharqdan 7–12 m/s tezlikda esib, ba’zi joylarda 13–18 m/s gacha kuchayishi mumkin. Tunda 10–15 daraja, kunduzi 25–30 daraja atrofida issiq bo‘ladi.
Buxoro va Navoiy viloyatlarida ham yog‘ingarchilik kuzatilmaydi. Shamol sharqdan 7–12 m/s esadi. Tunda 10–15 daraja, kunduzi 27–32 darajagacha issiq bo‘lishi kutilmoqda.
Toshkent, Sirdaryo, Jizzax va Samarqandda ham osmon o‘zgaruvchan, lekin yog‘ingarchiliksiz bo‘ladi. Shamol 7–12 m/s tezlikda esadi. Harorat tunda 10–15 daraja, kunduzi 22–27 daraja atrofida bo‘ladi.
Qashqadaryo va Surxondaryoda havo barqaror, ayrim joylarda shamol kuchayishi mumkin. Tunda 10–15 daraja, kunduzi 25–30 daraja issiq kuzatiladi.
Andijon, Namangan va Farg‘ona viloyatlarida ham quruq ob-havo saqlanadi. Shamol 5–10 m/s tezlikda esadi. Tunda 10–15 daraja, kunduzi 23–28 daraja atrofida bo‘ladi.
Tog‘oldi va tog‘li hududlarda ham asosan yog‘ingarchilik kutilmaydi. Shamol 7–12 m/s, harorat tunda 5–10 daraja, kunduzi 15–20 daraja atrofida bo‘ladi.
Qisqacha aytganda, hafta boshi O‘zbekistonda issiq va quruq havo bilan boshlanadi, ayrim joylarda jazirama yanada kuchayishi mumkin.
“Zamin”ni Telegramʻda oʻqing!
