6 093
Toshkentda yangicha hisoblagichlarni joriy etish bo‘yicha sinov loyiha amalga oshiriladi
Toshkentdagi uylardan birida turar joy-kommunal xo‘jalik sohasidagi sinov loyihasi doirasida sovuq va issiq suv, issiqlik, gaz, elektr energiyasi hisobini yurituvchi yagona dasturiy mahsulotga birlashtirilgan smart-hisoblagichlar o‘rnatiladi. Bu haqda chorshanba kuni jurnalistlar bilan uchrashuvda poytaxt hokimiyati Hududiy kommunal-ekspluatasiya birlashmasi (HKEB) Iqtisodiyot va investisiya departamenti boshlig‘i o‘rinbosari Oybek Bekmirzaev xabar qildi, deb yozadi "Sof.uz" nashri.
«Toshkentning Yakkasaroy tumani Boshliq mavzesidagi 29-uydan 20 ta xonadon tanlab olindi, — dedi u. — Ularning har birida sovuq va issiq suv, elektr energiyasi, gaz va batareyaga hisoblagich o‘rnatiladi. Ularning barchasi yarim yil davomida «aylanuvchi"yagona dasturga birlashtiriladi».
Tizim to‘laqonli ishga tushirilganidan so‘ng qarzdorlikni tekshirish zaruriyati yo‘qoladi, iste’molchi va kommunal xizmatlar o‘rtasidagi tushunmovchiliklarga barham beriladi, deya qayd etdi Oybek Bekmirzaev. Abonent mobil telefoni orqali hisob raqami balansi haqida bilishi va zarurat tug‘ilganida uni to‘ldirishi mumkin. To‘lov o‘z vaqtida amalga oshirilmagan taqdirda kompyuter avtomat ravishda xizmatlarni o‘chirib qo‘yadi.
HKEB vakilining «Gazeta.uz"ga ma’lum qilishicha, innovasion loyiha uning ishtirokchilarining shaxsiy mablag‘lari hisobidan amalga oshiriladi. Smart-hisoblagichlar Janubiy Koreyadagi hamkorlar tomonidan etkazib beriladi. Dasturiy ta’minot esa Axborot texnologiyalari va kommunikasiyalarini rivojlantirish vazirligi ko‘magida loyiha tashabbuskorlari tomonidan ishlab chiqilmoqda.
«Kerakli uskunalar etkazilgan va bojxona nazoratidan o‘tmoqda. Janubiy Koreya va O‘zbekiston mutaxassislari ishga kirishishga tayyor», — deya ta’kidladi Oybek Bekmirzaev. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Toshkentda 02 kodli avtoraqamlar taxminan qachon paydo bo‘lishi aytildi
Zoir Mirzayev “Telefonsiz maktab”ga 300 mln so‘m mukofot berdi
Rossiya dunyodagi birinchi vodorod yoqilg‘ili avtomobilni taqdim etdi
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Vladimir Putin «Krokus»da sodir etilgan terakt uchun o‘ch olishga chaqirdi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Amerikalik olimlar barcha uchun birdek foydali jismoniy faollik turini aniqladi