2 263
Sirdaryoda Nexia’sining davlat raqami belgisini qog‘oz bilan yashirgan haydovchiga chora ko‘rildi
Yo‘l harakati xavfsizligi bosh boshqarmasi Sirdaryo viloyati IIB YHXBga yo‘llangan fotosurat asosida Nexia’sining davlat raqami belgisini karton qog‘oz bilan berkitgan holda, yo‘lovchi tashish faoliyati bilan shug‘ullangan haydovchi ma’muriy jarimaga tortilganini xabar qildi.
«Haydovchi mashinasini xohlaganicha yuqori tezlikka chiqarib tezlikni o‘lchash moslamalariga tushmasligi yoki ma’lum jarimani to‘lashdan qutulishi mumkindir, lekin o‘zi va o‘zgalar hayotini xavf ostiga qo‘yishini qanday tushunish mumkin.
Haydovchilardan transport vositasini boshqarish vaqtida belgilangan tezlikdan oshirmasliklarini, yo‘l harakati qoidalariga qat’iy amal qilishlarini so‘rab qolamiz», – deyiladi boshqarma axborotida.
Xabarda Sirdaryo viloyatida mashinasining davlat raqami belgisini yashirib harakatlangan haydovchiga qanday miqdordagi ma’muriy jarima tayinlanganiga aniqlik kiritilmagan.
Avvalroq Qashqadaryo viloyati Kitob shahrida Nexia rusumli transport vositasining orqa tomoniga o‘rnatilgan davlat raqami belgisini yechib, o‘rniga o‘z ismi yozilgan qog‘ozni yopishtirib olgan haydovchi jarimaga tortilgani xabar qilingandi. Aniqlangan holat yuzasidan Ma’muriy javobargarlik to‘g‘risidagi kodeksining 125-moddasi (transport vositalaridan foydalanish qoidalarini buzish) bo‘yicha ma’muriy bayonnoma rasmiylashtirib, bazaviy hisoblash miqdorining 10 barobari miqdorida jarima belgilangan, transport vositasi vaqtincha saqlash uchun jarima maydonchasiga joylashtirilgan.
Shuningdek, TikTok videoservisiga avtomobil davlat raqamini yashiruvchi avtomatlashtirilgan pardacha videosini joylashtirgan toshkentlik haydovchi jarimaga tortilgani to‘g‘risida ham xabar berilgan. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Samarqandda haydovchidan pora so‘ragan YPX xodimlari ishdan bo‘shatildi
O‘zbek futbolchilari qilgan ishni ko‘pchilik uddalay olmagan!
SSKA ustozi Fedotov Abbos Fayzullayevning jamoaga qaytgani haqida nima dedi?
Green Card javoblari qachon chiqishi e’lon qilindi
YECHL. “Bavariya” va “Real” o‘rtasidagi dastlabki uchrashuvda jangovar durang qayd etildi
Toshkentdan Chorvoqqa avtobus qatnovi boshlandi
Mask Ukraina va AQSH o‘rtasidagi muzokaralarni bir so‘z bilan ta’rifladi